Fungus Yarsagumba Or Himalayan Viagra Is More Expensive Than Gold: kya ek phaphoond kee keemat 5 laakh rupe kilo tak bhee ho sakatee hai? yaarasaagumba ke maamale mein aisa hee hai. yaarasaagumba ya keedaajadee himashikharon kee talahatee mein paaya jaane vaala ek aisa paudha hai jisane pichhale kuchh saalon mein kaee pahaadee gharon mein rahane vaale logon ko maalaamaal bana diya hai.
yaarasa gumba ek tibbatee bhaasha ka shabd hai. yaarasa matalab garmiyon ka keeda aur gumba yaanee garmiyon ka paudha. isaka nirmaan parajeevee phaphoond aur kaitarapilar ke milane par hota hai. is chhotee see jadeebootee ke sambandh mein jab ye jaanakaaree milee ki yah ek yaun shaktivardhak dava bhee hai, isakee keematen achaanak aasamaan chhoone lagee. cheen aur amerika jaise deshon mein is jadee-bootee ke vishay mein sabase pahale pata chala. himaalayee vanaspatiyon par shodh kar rahe vinod upretee isase judee kaee chaukaane vaalee baaten bataate hain, jaanate hain isake baare mein...
dava mein hota hai istemaal
darasal yah jadee ek phangas hai jo maus ke laarava mein paida hotee hai. yahee phangas dava ka kaam karata hai. ye chikitseey istemaal vaala duniya ka sabase mahanga phaphoond hai aur kaee logon ka maanana hai ki isase asthama, kainsar aur khaasataur par mardaana kamajoree theek ho jaatee hai. isee vajah se ise himaalay ka vaayagra bhee kaha jaata hai.
nepaalee yuvak ne khoja
is phaphoond ko keede aur paudhe ke beech kee avastha kah sakate hain. yah phangas mittee mein nahin ug sakata. keedaajadee barph ke pighalane ke mausam mein ugatee panapatee hai. 3200 se 3800 meetar kee unchaee par sthit himashikharon par paayee jaane vaalee is dava ka pata bhaarat mein sabase pahale indr sinh raeepa naam ke ek vyakti ko chala. jo kuchh nepaalee yuvakon ko lekar dava ko lekar aaya aur ise bechana shuru kiya. beejing olampik to jaise is jadee ko bechane vaalon ke lie paise banaane kee masheen ban gaya. is dauraan yaarasaagumba kee khoob khapat huee. isakee keematen bees hajaar rupe kilo se lekar 5 laakh rupe kilo tak pahunch gaeen.
yaarasaagumba kee upalabdhata mein giraavat
beebeesee kee riport ke mutaabik nepaal ke manaang kshetr mein 15 saalon se yaarasaagumba talaash rahee seeta gurung kahatee hain, "pahale main har din sau yaarasaagumba tak talaash letee thee, lekin ab din bhar mein mushkil se das-bees hee mil paate hain. visheshagyon ka maanana hai ki jyaada maang aur global vorming kee vajah se yaarasaagumba kee upalabdhata mein giraavat aa rahee hai. seeta kahatee hain, "jab mujhe rojaana sau yaarasaagumba milate the tab keematen bahut kam theen. ab jab keematen badh gaee hain to bahut kam yaarasaagumba milate hain."
saalaana aay ka 56 pheesadee is jadee-bootee se
cheen, amareeka, briten, jaapaan, thaeelaind aur maleshiya ke antararaashtreey baajaar mein isakee keemat 50 dolar tak ho sakatee hai. nepaal sentral baink ke ek shodh ke mutaabik jo log yaarasaagumba talaashate hain unakee saalaana aay ka 56 pheesadee isee se aata hai. yaarasaagumba kee phasal kaatane vaale sabhee log sarakaar ko royaltee chukaate hain.
Comments
Post a Comment